Сэтинньи 25 күнүгэр "Алгыс" сынньалаҥ киинигэр оскуола оҕолоругар улуустааҕы "Саха КВН" оонньуулара буолан аастылар. Барыта 8 хамаанда кытынна. Биһиги оскуолабыт "Чаҕылҕаннар" хамаандата "Көрөөччү биһирэбилэ" уонна оонньооччу Прокопьев Алеша "Мэкчиргэ мэйии" анал аакка тигистилэр. Бастакы миэстэҕэ Халбаакы оскуолатын хамаандата, иккискэ Бүлүүтээҕи гимназия, үһүскэ куорат иккис нүөмэрдээх оскуолатын уонна Чочу оскуолатын хамаандалара тигистилэр. Бастаабыт икки хамаанда Ньурбаҕа буолуохтаах регионнааҕы оонньууга улуус чиэһин көмүскүүргэ мэктиэлэннилэр. Кыайыылаах хамаандаларга салгыы ситиһиилээхтик кытталларыгар баҕарабыт.