Бүлүү улууһугар бастакы таас оскуола үлэҕэ киирбитэ 30 сылын көрсө тахсыбыт "Вселяя в сердца свет вечных истин" кинигэ-альбом сүрэхтэннэ. Кинигэ-альбому математика учуутала Сыромятникова Анна Прокопьевна хомуйан бэчээккэ бэлэмнээтэ, редактор, корректор - Семенова Алена Васильевна. Г.Г.Алексеев, Ф.Н.Петрова уонна М.К.Муксунова хаартыскаҕа түһэриилэрэ туһаныллыбыттар. Ааҕааччы киэҥ араҥатыгар, выпускниктарга, учууталларга, араас сылларга оскуолаҕа алтыһан үлэлээбиттэргэ, төрөппүттэргэ, үөрэнээччилэргэ анаммыт. Кинигэ-альбом тахсыытын Бүлүү куоратын баһылыга Афанасьев Н.В. уонна оскуола бары үлэһиттэрэ үбүлээбиттэрэ. Кинигэ сүрэхтэниитигэр ыраахтан-чугастан урут үлэлээбиттэр, выпускниктар муһуннулар, ааспыты ахтыһа, инникини ыралыы дуоһуйа кэпсэтиинэн, итии чэйдээх остуол тула түмүктэннэ...  

     "Саха саарыннара" конференция быйыл ураты тэрээһиннээхтик икки күҥҥэ аттарыллан ыытылынна. Улуус оскуолаларыттан элбэх үөрэнээччи, учуутал, төрөппүт кытынна. Уолаттар бөлөҕүнэн ааҕыыларын күрэҕэр үс бөлөҕү кытыннарбытым, ситиһиилээх буоллулар. Ол курдук 9б кылаас уолаттара 2 степеннээх лауреат, 6б кылаас уолаттара 2 степеннээх лауреат, 7 б кылаас уолаттара 3 степеннээх дипломант буолары ситистилэр. Дакылаат ааҕыытыгар 6б кылаас үөрэнээччитэ Тараховскай Вася 1 степеннээх дипломант үрдүк аатыгар тигистэ, оттон 5б кылаас үөрэнээччитэ Шумилов Павел уонна 7б кылаас үөрэнээччитэ Саввинова Софья кыттыбыттарын туоһулуур сертификаттаах буоллулар. Аккырыыкка оҥоһуутугар 9б кылаас үөрэнээччитэ Игнатьев Григорий кытынна. Ааттаах оскуолалар күрэхтэригэр аккырыыкка оҥоһуутугар кыттан үһүс бириистээх миэстэҕэ тигистим. Онон конференцияҕа олус табыллан кытынныбыт диэн түмүк санааҕа кэлэҕин... Инники ... Читать дальше »