Ахсынньы 5 күнүгэр В.О.Каратаев аатынан Олоҥхо дьиэтин быыстапкалыыр балаҕаныгар саха биллиилээх поэта Сергей Степанович Васильев - Борогонскай "Эрчимэн Бэргэн" олоҥхотунан улуус 10 оскуолатын 6-7 кылааһын оҕолорун хамаандалара "ӨЙ. БИЛИИ. ТОЛКУЙ." ооннььууга кытыннылар. Биһиги оскуолабыт "САҺАРҔА" хамаандата бу оонньууга бириистээх миэстэҕэ тиксибэтэр да, ситиһиилээхтик кытынна. 7б кылаас үөрэнээччитэ Семенова Полина элбэх ыйытыыга сөптөөх хоруйу биэрэн Биһирэбил сурукка тигистэ. Түмүккэ бастакы миэстэни I Күүлэт, иккис миэстэни Чинэкэ, үһүс миэстэни гимназия хамаандалара ыллылар. Онон быйылгы оонньуу кыайыылааҕа I Күүлэт оскуолатын хамаандата көһө сылдьар чороонун илдьэ барда.