Быйыл Саха Асср народнай поэта, прозаик, драматург И.М.Гоголев - Кындыл үбүлүөйдээх сыла. Бу бэлиэ түгэни көрсө тохсунньу 17 күнүгэр "Алгыс" сынньалаҥ киинигэр дьоро күн буолан ааста. Дьокуускай куораттан народнай суруйааччылар Николай Лугинов уонна Урсун дьоро күн күндү ыалдьыттарынан буоллулар. Киин библиотекаҕа суруйааччылардыын көрсүһүү күнүс 2 чаастан буолла.

     Тохсунньу 18 күнүгэр "Ааппын ахтан аһараарыҥ аптаах саха тылынан" диэн сылын аайы ыытыллар аһаҕас уруок буолла. Уруокка куорат оскуолаларын 11 кылааһын үөрэнээччилэрэ кытыннылар. эһиилги уруогу Халбаакы оскуолата ыытарыгар эстафета туттарылынна.

     Тохсунньу 8-11 күннэригэр Дьокуускайга республикатааҕы "Инникигэ хардыы" конференция буолан ааста. Бу улахан тэрээһиҥҥэ биһиги оскуолабыт 4 үөрэнээччитэ, ол иһигэр мин салайбыт 2 оҕом кыттан кэллэ. 5 кылаас үөрэнээччитэ Игнатьева Розалия "А.Е.Кулаковскай нэһилиэстибэтэ", 7 кылаас үөрэнээччитэ Семенова Полина Культурология уонна искусствоведение секцияларыгар кыттан, наукаҕа бастакы хардыыларыгар холонон көрдүлэр. Эһиилги конференцияҕа кыттарга сүбэ-ама ыллылар.