Сэтинньи 8 күнүгэр Н.Г.Чернышевскай аатынан Бүлүүтээҕи педколледж Саха АССР оскуолатын үтүөлээх учуутала, историк, кыраайы үөрэтээччи, Саха сиригэр ааттары үөрэтиини төрүттээбит, Бүлүү училищетыгар 16 сыл дириэктэринэн үлэлээбит үтүө киһи аатынан Учууталлар, преподаватэллэр бастыҥ  үөрэтэр, тэрийэр ньымаларын тарҕатар, Багдарыын үлэлиир кэмигэр үөрэммит устудьуоннар үлэлэрин түмүгүн кэтээн көрөр, Тылы үөрэтии номуукатын байытар сыаллаах, колледж арыллыбыта 95 сылын көрсө «Багдарыын ааҕыылара” устудьуоннар, учууталлар, преподавателлэр, выпускниктар, биирдиилээн дьон көрдөрөр - чинчийэр кэмпириэнсийэлэрин тэрийэн ыытта. Кэмпириэнсийэ 5 сиэксийэнэн: I cиэксийэ “Тыл”, II сиэксийэ «Аат”, III  сиэксийэ «Айар үлэ», IV сиэксийэ: «Иитэр үлэ», V сиэксийэ: «Фольклор» үлэлээтэ. Биһиги оскуолабытыттан кэмпириэнсийэҕэ 6 учуутал ситиһиилээхтик кытынна. "Фольклор" сиэксийэтигэр математика учуутала Сыромятникова А.П. "Олоҥхонон садаачалары айыы" методическай босуобуйа бырайыагынан, "Иитэр үлэ" сиэксийэтигэр логопед-учуутал Кычкина О.И. "Үөрэнээччилэргэ кыраайы үөрэтэр экспедициялары тэрийии" үлэтинэн кыайыылаахтарынан буоллулар. Саха тылын, литературатын учуутала Муксунова М.К. "Кыраайы үөрэтиигэ чинчийэр үлэни тэрийии" үлэтинэн үһүс бириистээх миэстэҕэ тигистэ. Үлэлэрин уопутун республика таһымыгар ситиһиилээхтик тарҕаппыт учууталларга барыларыгар истиҥ эҕэрдэ!