Алтынньы 5 күнүгэр САССР үтүөлээх учуутала, саха ономастикатын чинчийээччи, устуорук, кыраайы үөрэтээччи, бөдөҥ общественнай деятель, саха омук туһугар туруулаһан охсуспут, Бүлүүтээҕи училищеҕа 1958-1974 с.с. дириэктэринэн таһаарыылаахтык үлэлээбит М.С.Ивановка - Багдарыын Сүлбэҕэ махталлаах үөрэнээччилэрин күүһүнэн оҥоһуллубут искибиэр үөрүүлээхтик арылынна. Бу үөрүүлээх түгэҥҥэ Багдарыын Сүлбэ оҕолоро, ыччаттара, үөрэнээччилэрэ, бииргэ үлэлээбиттэрэ, улуус, куорат баһылыктара, колледж коллектива, ыҥырыылаах ыалдьыттар кыттыыны ыллылар. Үтүө тыл үтүмэнэ этилиннэ, алгыстаах тыл мааныта ананна. Мустубут дьон Бүлүү куоратыгар өссө биир өйдөбүнньүк бэлиэ баар буолбутуттан сүргэлэрэ көтөҕүллэн, сибэкки дьөрбөтүн ууран, хаартыскаҕа түһэн, тарҕастылар.