Воскресенье, 09.08.2020, 03:18
Приветствую Вас Гость | RSS

Сайт Муксуновой Марии Касьяновны

Меню сайта
Фраза дня

Мини-чат
Наш опрос
Оцените мой сайт
Всего ответов: 21
Статистика

Онлайн всего: 1
Гостей: 1
Пользователей: 0
Главная » 2018 » Январь » 19 » Cаха сирин үтүөкэн дьоно. Санников Василий Иванович
01:14
Cаха сирин үтүөкэн дьоно. Санников Василий Иванович

       

Тохсунньу 18 күнүгэр Н.Г. Чернышевскай аатынан Бүлүүтээҕи педагогическай колледжка саха бастакы профессиональнай композитора М.Н.Жирков мемориальнай музейын тэрийиигэ сүдү кылааты киллэрбит,    училище саха тылын, литературатын уһулуччу талааннаах учуутала, музыка преподавателэ, үөрэтии методикатын дэгиттэр баһылаабыт, кэрэ эйгэлээх, киэҥ билиилээх Саха АССР култууратын үтүөлээх үлэһитэ, РСФСР норуотун үөрэҕириитин туйгуна, мелодист, музыкант  В.И. Санников төрөөбүтэ 80 сылын бэлиэтиир үбүлүөйдээх тэрээһиннэргэ, В.И.Санников сырдык кэриэһигэр ананан тахсыбыт кинигэ сүрэхтэниитигэр ыҥырыллан сырыттым. Дьоро күҥҥэ улуус баһылыгын социальнай боппуруостарга солбуйааччыта В.Ф.Тихонова, В.И.Санников кэргэнэ Нина Егоровна кыыһыныын, төрөөбүт дойдутуттан 8 киһилээх делегация, улуус саха тылын, литературатын уонна музыка учууталлара, Василий Иванович үөрэппит, уһуйбут оҕолоро, доҕотторо, үөлээннээхтэрэ ыалдьыттаатылар, ахтыы-уруоктар ыытылыннылар. Кэргэнэ Нина Егоровна оҥотторон аҕалбыт мемориальнай дуоската үлэлээбит дьиэтигэр арылынна. Ыалдьыттар уонна тэрийээччилэр улахан учууталы, дэгиттэр талааннаах киһини, истиҥ-иһирэх тылынан, сырдык өйдөбүлүнэн ахтан-санаан аастылар, махтал тылларын эттилэр, ырыаларыттан толордулар. Кинигэ сүрэхтэниитин М.Н.Жирков аатынан искусство оскуолатын духовой оркестра, үөрэнээччилэрэ уонна колледж "Айылгы" фольклорнай бөлөҕө, музыка преподавателлэрэ о.д.а. киэргэттилэр. 

      Сырдык өйдөбүлү хаалларар биир кэрэ түгэни бэлэхтээбиттэригэр үөрэнэн киһи буолан тахсыбыт кыһам коллективыгар, ордук чуолаан Ульяна Федоровна Кондаковаҕа ис сүрэхпиттэн махтанабын! Айымньылаах үлэҕит аартыктара өссө да арылла турдуннар, сырдыгынан сыдьаайар кэрэ санааҕыт хаһан да уостары билбэтин, үөрэнээччилэргит махталлара айыы сыдьаайа буолан куруук олоххутун сырдаттын!

Просмотров: 327 | Добавил: mariya_56 | Рейтинг: 0.0/0
Всего комментариев: 0
avatar
Вход на сайт
Календарь

Прогноз погоды в городе Вилюйск -->
Поиск

Copyright MyCorp © 2020
Сайт создан в системе uCoz