Алтынньы 7 күнүгэр "Алгыс" сынньалаҥ киинигэр Учуутал күнүн үөрүүлээх мунньаҕа ыытылынна. Бу күн өр сыл оскуола директорынан таһаарыылаахтык үлэлээбит РФ үтүөлээх учуутала, ССРС уонна РСФСР үөрэҕириитин туйгуна, СР Учууталларын учуутала, Бүлүү улууһун бочуоттаах олохтооҕо В.Н.Яковлевы уонна өр сылларга үөрэхтээһиҥҥэ уонна спортка улахан кылаатын киллэрбит Семен Данилович Егоровы 80 саастарын туолбуттарынан чиэстээтилэр, барҕа махтал тыллара этилиннилэр. Үөрэхтээһин сайдыытыгар кылааттарын киллэрбит үлэһиттэргэ наҕараадалар туттарылыннылар.