Статистика
Онлайн всего: 1 Гостей: 1 Пользователей: 0
|
Главная » 2018 » Февраль » 18 » Дьокуускайга - фундаментальнай курска
00:31 Дьокуускайга - фундаментальнай курска |
Олунньу ый 5 күнүттэн 17 күнүгэр диэри үөрэҕи сайыннарар уонна идэни үрдэтэр институкка икки нэдиэлэлээх фундаментальнай курска сылдьан, үөрэнэн кэллим. Курс былаанынан ыытыллыбыт бары тэрээһиннэргэ кыттан, элбэх туһалааҕы бэйэбэр ылынан, үлэлииргэ эбии билиилэнэн, уопуппун тарҕаппыппар, авторскай семинар-практикумҥа сылдьыбыппар сертификат ылан кэллим. Амма улууһун педагогическай десанын дьарыктарын, уруоктарын - барытын толору көрбүппүттэн, билиим-көрүүм өссө хаҥаата. П.П.Кондратьев "Сатабылын" лекциятын дуоһуйа истэн баран, литературанан хааччыллыым инники үлэбэр олук буолуоҕар саарбахтаабаппын. Маны таһынан Ил Түмэҥҥэ төрөөбүт тылы үөрэтиигэ туһуламмыт төгүрүк остуолга кыттыым, Опера уонна балет театрыгар Төрөөбүт тыл уонна сурук-бичик күнүн үөрүүлээх мунньаҕар ыҥырыллан сылдьыым, Баал Хабырыыс төрөөбүтэ 100 сылыгар анаммыт НПК-ҕа эксперт быһыытынан үлэлээһиним - барыта курс былаанынан буолла. Онон курска туһалаахтык сылдьыбыппыттан, курс былаана табыллан аттарыллыбытыттан көҥүллээн ыыппыт оскуолам директорыгар Волчок Т.И., курспут салайааччылара Шишигина В.Р., Ядрихинская Ф.В. улаханнык махтанабын.
|
Просмотров: 270 |
Добавил: mariya_56
| Рейтинг: 0.0/0 |
|
|
| | |