Воскресенье, 09.08.2020, 03:56
Приветствую Вас Гость | RSS

Сайт Муксуновой Марии Касьяновны

Меню сайта
Фраза дня

Мини-чат
Наш опрос
Оцените мой сайт
Всего ответов: 21
Статистика

Онлайн всего: 1
Гостей: 1
Пользователей: 0
Главная » 2018 » Январь » 12 » Эппэтэх тылларбын этээри...
20:37
Эппэтэх тылларбын этээри...

   Быйыл, тохсунньу ый 6 күнүгэр бииргэ төрөөбүт балтым саҥа дьиэҕэ киириитин үөрүүлээхтик бэлиэтиир малааһыныгар соһуччу ыҥырыллан, сүрдээх суһаллык хомунан, Тааттаҕа Даайа Амматыгар барар буоллум...

   Дьокуускай куораттан сыыдам сырыылаах такси көлөнөн айаннаан, биһигим ыйаммыт төрөөбүт дойдубар, Чурапчыга, бэрт түргэнник тиийдим. Хонон-өрөөн сытан ирэ-хоро кэпсэтэн баран, сарсыҥҥы күнүгэр маҥнайгы кылааска үөрэппит олус сөбүлүүр, куруук ахта саныыр бастакы учууталым Елизавета Мироновна Дьячковская (Попова) Чурапчыга баар сураҕын истэн, хайаан да көрсөн барарга быһаарынным. Сибэкки дьөрбөтүн тутан тиийээри Чурапчы маҕаһыыннарыгар сырыттым да, сабыылаахтар уонна тыыннаах сибэккилэрэ атыыга суох эбит, онон сибэккитэ суох көннөрү кэмпиэт эрэ тутан тиийэр буоллум. Саҥаһым түлүпүөн нүөмэрэ булан биэрбитинэн кэпсэтэн, олорор аадырыһын ыйдаран, дьиэтигэр тиийдим. Учууталым барахсан олус үөрдэ, истиҥник көрүстэ...

   Олус күндутүк саныыр, уһун кэмнэр усталарыгар куруук көрүөхпүн, көрсүөхпүн баҕарар маҥнайгы учууталым барахсаны 50 сыл буолан баран көрсүбутүм төһөлөөх долгуйуулаах буолуоҕай?!.. Олус кылгас бириэмэҕэ да буоллар, тапталлаах учууталбын, оҕо сааһым биир саамай күндү киһитин, көрсүбүппүттэн олуһун да үөрдүм, бэйэбин өссө төгүл дьоллооҕунан ааҕынным... Хомолтолооҕо диэн иккиэн бииргэ хаартыскаҕа түспэккэ хаалбыт эбиппит...

   Мин билигин өссө төгүл бигэргэтэн өйдөөтүм: Елизавета Мироновна курдук киэҥ билиилээх, оҕо туһугар улахан кыһамньылаах учууталга үөрэммитим дьолум эбит диэн, олохпор кинини куруук холобур оҥостубут буоламмын учуутал идэтин таллаҕым, үлэһит буолан үтүө суолга үктэниим, олохпор ситиһиим үксэ кини сабыдыалынан кэлбит эбит диэн...

   Ол эрээри олус кылгас бириэмэҕэ ыктаран, салгыы айанныахтаах массыынам тиийэн кэлэн, ыксатан, учууталым барахсаҥҥа махтал, баһыыба тылларын ситэри, толору эппэккэ, тахсан барбыппыттан олус хомойо санаатым. Ол гынан баран, аны суолун биллэҕим, өссө да көрсүөхпүт буоллаҕа диэн эрэх-турах санаанан салайтаран, бэйэбин уоскутуннум...

   Элбэх оҕону олох киэҥ аартыгар сирдээбит мин күндү, тапталлаах учууталым барахсан өссө да уһуннук, ыалдьыбакка сэргэхтик, доруобай, чөл туруктаах олороругар баҕарабын!                                                                                    2018 с., Бүлүү к.

Просмотров: 178 | Добавил: mariya_56 | Рейтинг: 0.0/0
Всего комментариев: 0
avatar
Вход на сайт
Календарь

Прогноз погоды в городе Вилюйск -->
Поиск

Copyright MyCorp © 2020
Сайт создан в системе uCoz