Сэтинньи 15 күнүгэр уолаттарга "Наукаҕа бастакы хардыылар" уонна оскуолатааҕы "Инникигэ хардыы" научнай-практическай конференциялар буолан аастылар. Конференцияларга элбэх оҕо кытынна. Олоҥхо ыһыаҕа буоларынан, улуустааҕы "Инникигэ хардыы" конференция балаһыанньатыгар эбии киллэриллибит ОЛОНХО секциятыгар 4 оҕо кытынна. Үөрэнээччилэр Бүлүү түөлбэтин биллэр олоҥхоһуттарын Олоҥхоһут Доропууну, Баһылай Харатаайабы, Хоохураны чинчийэн үөрэппиттэр, Сергей Васильев "Эрчимэн Бэргэн" олоҥхотун тэҥнээһиннэрин ырыппыттар. Түмүккэ 5 б кылаас үөрэнээччилэрэ Тараховскай Вася маҥнайгы, Каратаев Женя иккис миэстэлэри ыллылар. Оҕолор бары улууска кыттарга мэктиэлэннилэр. 8 б кылаас үөрэнээччитэ Игнатьев Гриша культурология секциятыгар бастакы миэстэни ылары ситистэ. Быйыл 5 б кылаас үөрэнээччитэ Майоров Вова, 6 б кылаас үөрэнээччитэ Волков Айаал конференцияҕа саҥа кыттан, чинчийэр үлэҕэ холонон көрдүлэр. Оҕолорго барыларыгар ахсынньы ыйга буолуохтаах улуустааҕы "Инникигэ хардыы" конференцияҕа ситиһиилээхтик кытталларыгар баҕарабыт!