Ахсынньы 9 күнүгэр И.Л.Кондаков аатынан Бүлүүтээҕи гимназияҕа "Инникигэ хардыы" НПК улуустааҕы түһүмэҕэ буолла. Чинчийэр үлэҕэ ситиһиилээх оҕолору бэлэмниир улуус биэс учууталыгар анал бэлиэ туттарылынна. Биһиги оскуолабытыттан үйэ чиэппэрэ оҕолору научнай-чинчийэр үлэҕэ салайбыт Н.С.Николаеваҕа уонна бу конференцияҕа өр кэмҥэ оҕолору таһаарыылаахтык салайбыт М.К.Муксуноваҕа бу бэлиэ тигистэ. Конференция түмүгүнэн биһиги оскуолабыт үөрэнээччилэрэ Михайлова Марина, 11 кылаас үөрэнээччитэ "Муода уонна дизайн" секцияҕа "Кыыс оҕо мааны жилетэ" үлэтинэн 1 миэстэ (сал. Муксунова М.К.), Игнатьев Гриша, 8 б кылаас үөрэнээччитэ "Саха филологията" секцияҕа "А.Е.Кулаковскай үлэлэригэр иччи көстүүтэ" үлэтинэн 2 миэстэ (сал. Муксунова М.К.), Шамаев Егор, 9 б кылаас үөрэнээччитэ 2 миэстэ (сал. Семенова А.П.), Луговская София, 8 а кылаас үөрэнээччитэ 3 миэстэ (сал. Софронова Р.Н.) буоллулар. Наҕараадаламмыт учууталларбытын уонна ситиһиилээхтик кыттыбыт үөрэнээччилэрбитин, кинилэр салайааччыларын эҕэрдэлиибит!