Орто дойду оллоонноох олоҕор оҕо буолан оройбунан түспүт күнүм 60-с хаарын бэлиэтиир дьоро киэһэбин биһикпин ыйаабыт төрөөбүт дойдубар оҕолорбун, бииргэ төрөөбүттэрбин, кинилэр дьиэ кэргэттэрин, оҕолорун, сиэннэрин ортолоругар үөрэ-көтө бэлиэтээтим. Дьокуускайга баар сиэннэрбин көрсөн сүрэҕим сылаанньыйда, ахтылҕаным таҕыста. Айан ырааҕын аахсыбакка, дьолбун булан, иккис дойду оҥостубут тапталлаах Бүлүүбэр эргиллэн кэлэн, сиэннэрбин сырылаччы сыллаатым, олохпун олоччу анаабыт сөбүлүүр үлэбэр "төбөм оройунан түстүм". Хайыам баарай, чиэппэр түмүктэнэрэ, күүтүүлээх-кэтэһиилээх Саҥа дьыл буолара бу кэллэ... Онон түмүк сыаналар туруулара, хонтуруолунай үлэлэр, араас отчуоттар, электроннай сурунаал туолуута - барыта күүтэн турдаҕа, тобус-толору кэтэстэҕэ...