Статистика
Онлайн всего: 1 Гостей: 1 Пользователей: 0
|
Главная » 2019 » Ноябрь » 16 » КАЗАНЬ КУОРАККА
|
Сэтинньи 4 күнүгэр Бүлүүтээҕи В.О. Каратаев аатынан олоҥхоһуттар уонна тойуксуттар народнай бөлөхтөрүн састаабыгар киирсэн Казань куоракка буолбут "Казанские узоры" диэн норуоттар икки ардыларынааҕы фестивальга кыттан кэллим. Фестивальга 12 буолан сырыттыбыт, театральнай айымньылары көрүү күрэҕэр А.Суханова "Күн Өркөн бухатыыр" олоҥхотунан таҥыллыбыт "Удьуор утумун салгыыбыт" театральнай композициянан үһүс степеннээх лауреат үрдүк аатын ыллыбыт. Ойуулуур-дьүһүннүүр искусство быыстапкатыгар Халбаакыттан норуот маастара П.Д. Ердашева "Дөһөгөй оҕото" быыстапката дьүүллүүр сүбэ саамай үрдүк сыанабылын, сэҥээриитин ылла уонна бастакы степеннээх лауреат буолла. Хореография салаатыгар Т.В. Фомина уонна Г.П. Харлампьев вальстара 1 степеннээх лауреат аатын ылла уонна "Кыайыыга дьулуур" анал аакка тигистэ. Маны таһынан И.П. Ильинов хомуска сыыйа тардыыта 2 миэстэ буолла, оттон Тааһаҕар оскуолатын 9 кылааһын үөрэнээччитэ Сайыына Шамаева В.О. Каратаев "Модун Эр Соҕотох" олоҥхотуттан толорон 1 степеннээх лауреат үрдүк аатын ылла. Онон дойдубут куултуратын, төрүт үгэстэрин, сиэрин-туомун атын омук дьонугар билиһиннэрэн, кыайыы кынаттанан, ситиһии көтөллөнөн дойдубутугар этэҥҥэ эргиллэн кэллибит.
|
Просмотров: 149 |
Добавил: mariya_56
| Рейтинг: 0.0/0 |
|
|
| | |