Алтынньы 26 күнүгэр Н.Г.Чернышевскай аатынан Бүлүүтээҕи педколледжка Норуот поэта, буойун-суруйааччы, училище 1937 с. выпускнига П.Н.Тобуруокап төрөөбүтэ 100 сылыгар аналлаах хоһоон ааҕыыга конкурс буолан ааста. Күрэххэ куорат оскуолаларын үөрэнээччилэрэ, учууталлара, колледж студеннара, преподавателлэрэ биирдиилээн да, бөлөҕүнэн да кытыннылар. Биирдиилээн ааҕыыга алын кылаас үөрэнээччилэрэ ордук көхтөөхтүк кытыннылар. Биһиги оскуолабытыттан учууталлар Иванова Е.В., Протопопова Д.А., Муксунова М.К. оҕолору бэлэмнээн кытыннардылар. Ону таһынан эдэр учууталлар "Абылаҥ" бөлөхтөрө "Хаар" поэманан, орто саастаах учууталлар "Далбарай" бөлөхтөрө "Кэккэлэтэ кэпсиим эрэ..." литературнай дьүһүйүүнэн кыттан, дьүүллүүр сүбэ үрдүк сыанабылын ыллылар. Сэтинньи 3 күнүгэр декаданы түмүктээһиҥҥэ учуутал Муксунова М.К. салайар бөлөхтөрө: "Уолан", "Абылаҥ", "Далбарай" ыҥырылыннылар уонна норуот поэта Бүөтүр Тобуруокап төрөөбүт дойдутуттан кэлбит ыалдьыттарга поэт айымньыларын ааҕыахтара.