Ахсынньы 1 күнүгэр Г.С.Донской аатынан норуот үөрэҕириитин музейыгар саха бастакы революционердарыттан биирдэстэрэ, бөдөҥ советскай салайааччы, үөрэҕирии эйгэтигэр умнуллубат элбэх үтүөнү оҥорбут Степан Филиппович Гоголевка аналлаах экспозиция арыллыытын тэрээһинэ буолла. С.Ф.Гоголев олоҕун кэрдиис кэмин музей директора Иванов билиһиннэрдэ. С.Ф.Гоголев төрөөбүтэ 120 сылыгар ананар тэрээһиннэр тустарынан билиһиннэрэн туран, эҕэрдэ тылы улуус баһылыгын солбуйааччы В.Ф.Тихонова эттэ. салгыы төрөөбүт дойдутуттан оскуола директора Егор Егорович Петров, үөрэммит оскуолатыттан директор Вероника Даниловна Семенова о.д.а. тыл эттилэр. Бу үөрүүлээх тэрээһиҥҥэ биһиги оскуолабыт 5 б кылааһын уолаттара "Учууталга" композициянан кытыннылар. Тэрээһини биһиги оскуолабыт директорын иитэр үлэҕэ солбуйааччыта Сардаана Мироновна Воронова иилээн-саҕалаан ыытта.