Сэтинньи 27 күнүгэр Дьокуускайга филологическай наука кандидата, доцент, П.А.Ойуунускай аатынан СӨ Судаарыстыбаннай бириэмийэтин лауреата, АБ педагогика уонна социальнай билимнэрин Академиятын дьиҥнээх академига, СӨ култууратын үтүөлээх үлэһитэ, Олоҥхо киинин научнай-методическай үлэҕэ уонна норуоттар икки ардыларыгар сибээскэ салайааччыта Агафья Еремеевна Захарова 75 сааһын үбүлүөйүгэр  аналлаах "САХА ГЕРОИЧЕСКАЙ ЭПОҺА ОЛОҤХО: ХАРАЙЫЫ, ҮӨРЭТИИ, САЙЫННАРЫЫ" Бүтүн россиятааҕы научнай-практическай конференция араас сирдэртэн элбэх учуонай кыттыылаах буолан ааста. Бу конференцияҕа Бүлүү улууһуттан 4 саха тылын, литературатын учуутала, култуура үлэһиттэрэ, В.О.Каратаев аатынан олоҥхоһуттар уонна тойуксуттар народнай коллективтарын салайааччыта С.Т.Иванова салалтатынан кыттыыны ылан кэллибит.