Сэтинньи 23 күнүгэр Чочу орто оскуолатыгар саха тылын, литературатын уонна төрүт культура учууталларыгар олоҥхоҕо улуустааҕы семинар-практикум 30-ча кыттааччылаах буолан ааста. Семинар-практикум Олоҥхо дирекциятын директора Степанова Т.П. киирии тылынан саҕаланна. В.О.Каратаев аатынан Олоҥхоһуттар бөлөхтөрун салайааччыта С.Т.Иванова, норуот ырыаһыта, тойуксута С.И.Иванов, уһуйаан салайааччылара Ф.Е.Донская, Н.Т.Прокопьева, М.Е.Григорьева, учууталлар О.С.Каратаева, С.К.Прокопьева маастар-кылаастара семинар кыттыылаахтарын сэҥээриитин ылыахтарын ыллылар. Күн иккис аҥарыгар учууталлар Томская В.П., Егорова М.Н., Ермолаева С.С., Муксунова М.К. олоҥхоҕо уруок ыытан көрдөрдүлэр. Бүлүүтээҕи педколледж директоры научнай-методическай үлэҕэ солбуйааччыта, п.н.к. М.Т.Гоголева түмүк тылы эттэ, уруоктар үрдүк таһымҥа ыытыллыбыттарын бэлиэтээтэ, ахсынньы 5-6 күннэригэр Бүлүүгэ буолуохтаах республикатааҕы НМК-ҕа кыттарга сүбэ-ама биэрдэ. Бу күн саха норуотун героическай эпоһын - Олоҥхону сайыннарыыга, пропагандалааһыҥҥа, олоххо киллэриигэ кылааттарын иһин Халбаакыттан норуот маастара Ердашева Парасковья Дмитриевна, Тыымпыттан культура үлэһитэ Новикова Наталья Васильевна, Бүлүү куоратыттан учуутал Муксунова Мария Касьяновна Олоҥхо научнай-чинчийэр институтун грамоталарын туттулар.