Олунньу 12 күнүттэн 18 кунүгэр диэри оскуолаҕа саха тылын, литературатын уонна төрүт култуура нэдиэлэтэ саҕаланна. Олунньу 13 күнүгэр Ийэ тыл күнүгэр аналлаах линейка ыытылынна. Директор Афанасьев Н.В. эҕэрдэлээтэ, 8 б кылаас уолаттара Алампа "Төрөөбүт дойду" хоһоонун аахтылар. Директоры иитэр үлэҕэ солбуйааччы Воронова С.М. сахалыы таҥас күрэҕин түмүгүн иһитиннэрдэ, кылаастарга грамоталары туттарда. Линейканы история учуутала Петрова Ф.Н. оһуокайынан түмүктээтэ.

    Бу күн "Алгыс" сынньалаҥ киинигэр Ийэ тыл күнүгэр аналлаах дьоро күнү В.О. Каратаев аатынан олоҥхоһуттар түмсүүлэрин толоруутугар олоҥхону истииттэн саҕаланна. Бу күҥҥэ сахалыы ас-үөл быыстапката тэрилиннэ, сахалыы ырыа дьиэрэйдэ, хоһоон кутулунна. Сахалыы диктант түмүгэ таҕыста.

    Биһиги оскуолабыт 8 б кылааһын уолаттара "Төрөөбүт дойду" хоһоону аахтылар. Учууталлар Муксунова М.К. уонна Петрова А.Н. сахалыы диктаны суруйуу тэрээһинигэр көмөлөрүн иһин киин библиотека махтал суруктарын туттулар.