Сэтинньи 20 кунүгэр Бүлүүтээҕи гимназияҕа үгэс буолбут ХХII төгүлүн ыытыллар "Шаг в будущее - Инникигэ хардыы" научнай-практическай конференция буолан ааста. Быйылгы конференция уратытынан, суол суоҕунан сибээстээн, кэтэхтэн кыттыылаах тэрилиннэ. Ону таһынан ирдэбил быһыытынан нуучча уонна англия тылларынан стенд уонна тезис толоруллуохтааҕа. Онон буоллаҕа буолуо, быйыл конференцияҕа хаһааҥҥытааҕар да аҕыйах оҕо кытынна. Ол эрээри саха филологиятыгар уонна культурологияҕа оҕо кыттыыта бары секциялардааҕар элбэх эбит. Оттон история курдук элбэх подсекциялаах секцияҕа 5-6 кылаастарга 2 оҕо, 7-8 кылаастарга 3 оҕо, 9-11 кылаастарга 2 оҕо кытынна, онон бу секцияҕа соччо чаҕылхайа да суох үлэлээх кыттааччылар бары миэстэлэстилэр. Маны таһынан кэтэхтэн кыттыбыттар миэстэҕэ тигистилэр, региоҥҥа салгыы кыттарга мэктиэлэннилэр. Биһиги оскуолабытыттан Саха филологиятыгар кыттыбыт 6 б кылаас үөрэнээччитэ Тараховскай Василий 2 миэстэҕэ, 9 б кылаас үөрэнээччитэ Игнатьев Григорий региоҥҥа кыттарга мэктиэ сурукка, культурологияҕа кыттыбыт 6 б кылаас үөрэнээччитэ Корякин Евгений 2 миэстэҕэ тигистилэр. ситиһиилээхтик кыттыбыт эдэр чинчийээччилэрбитигэр инникитин өссө үрдүк ситиһиилэри баҕарабыт!