Олунньу 8 күнүгэр И.Ф. Захаров-Кылыадьы Уус аатынан Хомус дьиэтигэр «Сибэкки сипсиэрэ – дууһам иэйиитэ” диэн ааттаах  Анемподистова Роза Иннокентьевна  – Сибэкки Роза сибэкки арааһын үүннэриигэ, оҕуруот аһын олордууга маастар-кылааһа буолан ааста.  Роза Иннокентьевна утумнаах дьарыгын көрдөрөр тэрээһин Бүлүүгэ Олонхо ХI ыһыаҕа ыытылларыгар, куораппыт күөх суугунунан киэркэйэригэр бэлэмнэнии үлэ буолар. Роза Иннокентьевна үүнээйини хайдах олортоххо өлгөм үүнүүнү, сибэкки арааһын ылыахха сөбүн кэпсээн, көрдөрөн, үүннэрбит оҕуруотун аһыттан бэлэмнээбит астарын ырысыабын тарҕатан, аһын амсатан, маастар-кылаастаата. Кини олоҕун көрдөрөр презентация, сибэкки арааһын үүннэрэн тиэргэни киэргэтии туһунан видеосюжеттар көрдөрүлүннүлэр, сиэмэ арааһа атыыланна. Владимир Васильев салайар хорун ырыаһыта буолан, хор кыттыылаахтара ырыанан эҕэрдэлэрин тириэртилэр, махталларын эттилэр. Маастар-кылааска сылдьыбыттар элбэҕи билэн, улаханнык дуоһуйан, астынан тарҕастылар. Роза Иннокентьевна утумнаах дьарыга өссө да бар дьону үөрдэ, сырдыкка-кэрэҕэ угуйа туруохтун!