Бүлүүгэ Олоҥхо ыһыаҕа буоларынан сибээстээн, саха тылын, литературатын уонна төрүт культура учууталларыгар олоҥхону төһө билэллэрин тургутан көрөр олимпиада ахсынньы ый 2 күнүгэр Г.С.Донской аатынан 2 нүөмэрдээх оскуолаҕа ыытылынна. Улуус оскуолаларын 29 учуутала А, В, С түһүмэхтэринэн сорудахтаах Бүлүүтээҕи гимназия учууталлара бэлэмнээбит олимпиадаларын икки чаас устата толордулар. Түмүккэ 1 миэстэни Докторова Ирина Петровна, Г.С.Донской аатынан 2 нүөмэрдээх оскуола учуутала, 2 миэстэни Иннокентьева Лидия Григорьевна, Хампа оскуолатын учуутала, 3 миэстэни Петрова Светлана Николаевна, Халбаакы орто оскуолатын учуутала ыллылар. Кыайыылаахтарга эҕэрдэ!!!