Тохсунньу 30 күнүгэр "Алгыс" сынньалаҥ киинигэр "Бириигэбэр"  спектакль премьерата буолан ааста. Сүрүн оруолларга культура уонна искусство колледжын практикант-студеннара Иван Васильев уонна Лев Хорунов оонньоотулар. Спектакль бүгүҥҥү ыччат уонна олох тематын кырдьыктаахтык көрдөрөрүнэн көрөөччүлэр болҕомтолорун тарта. Иитэр, өйдөтөр, сэрэтэр суолталааҕын кэлбит дьон дохсун ытыс таһыныытынан бэлиэтээтилэр. Спектакль кэнниттэн эдэр ыччат концера сэргэхтик буолла. Сылдьыбыт ыалдьыттар олус дуоһуйан, сынньалаҥ киэһэлэрин туһалаахтык атаарбыттарыттан астынан, тарҕастылар. Студеннар салгыы үрдүк ситиһиилээхтик үөрэхтэрин салгыылларыгар алгыс тылларын анаан сынньалаҥ киинин директора СР культуратын үтүөлээх үлэһитэ Надежда Николаевна Иванова тыл эттэ, өйдөбүнньүк бэлэхтэри туттарда.  

Биһиги оскуолабыт выпускнига Иван Васильев сүрүн оруолу олус итэҕэтиилээхтик оонньообутуттан, биһиги, үөрэппит учууталлара долгуйдубут киэн тутта көрдүбүт уонна оҕобутугар өссө үрдүктэн-үрдүк ситиһиилэри, айымньылаах үөрэҕи баҕара хааллыбыт. "Олоҕуҥ суола ити оонньообут оруолуҥ эрэ курдук салаллыбатын", - диэн оҕобутугар бэйэтигэр туһаайан эттибит. Өссө да элбэх оруоллары айарыгар, сөбүлүүр идэтин баһылаан, үтүө үлэһит киһи буолан тахсарыгар баҕарабыт!