Пятница, 15.11.2019, 06:22
Приветствую Вас Гость | RSS

Сайт Муксуновой Марии Касьяновны

Меню сайта
Фраза дня

Мини-чат
Наш опрос
Оцените мой сайт
Всего ответов: 20
Статистика

Онлайн всего: 1
Гостей: 1
Пользователей: 0
Главная » Архив материалов

    Бэҕэһээ, алтынньы 26 күнүгэр "ИННИКИГЭ ХАРДЫЫ"  НПК оскуолатааҕы этаба буолан ааста. Барыта 62 үөрэнээччи 61 үлэни көмүскээтэ. Бэлэмнээн киллэрбит түөрт оҕобуттан Тараховскай Василий саха филологията, Семенова Полина культурология - бастакы, Федорова Олеся история секцияларыгар иккис миэстэлэри ыллылар. Андреев Эрхаан история секциятыгар миэстэтэ суох, кыттыбытын туоһулуур сертификакка тигистэ. Оҕолор салгыы улуустааҕы конференцияҕа кыттарга бэлэмнэнэллэр.   

 

Просмотров: 2 | Добавил: mariya_56 | Дата: 27.10.2019 | Комментарии (0)

Муус устар 13-18 күннэрэ. Дьокуускай-Чурапчы. 

Просмотров: 38 | Добавил: mariya_56 | Дата: 22.04.2019 | Комментарии (0)

    Муус устар 3-4 күннэригэр Дьокуускай куоракка эбии үөрэхтээһин педагогтарын курэстэрэ буолан ааста. Бу улахан күрэххэ Бүлүү улууһун чиэһин биһиги оскуолабытыттан Протопопов С.С. уонна "Кэскил" оҕону сайыннарар киинтэн Тихонова М.В. көмүскээтилэр. Сергей Сергеевич күрэхтэһии бары түһүмэҕэр үрдүк таһымнаахтык кыттан бастакы миэстэни ылла. Эдэр педагогка инникитин да айымньылаах үлэни баҕарабыт!  

Просмотров: 41 | Добавил: mariya_56 | Дата: 15.04.2019 | Комментарии (0)

       Кулун тутар 20-21 куннэригэр Ньурба к. "Мин наставникпынаан" диэн республиканскай куонкурус олус тыҥааһыннаахтык буолан ааста. 11 эдэр учуутал наставнигынаан араас улуустартан кэлэн 4 түһүмэҕинэн кытынна. Кыттааччылар бары да бэлэмнээхтэрэ, үрдүк таһымнаахтара көстөр этэ. Бүлүүттэн Халбаакы орто оскуолатын учууталлара Томская Р.В., Петрова С.П. уонна биһиги кытынныбыт. Түмүккэ Сунтаар улууһун учууталлара Шестакова А.Н. уонна Андреева С.Н. муҥутуур кыайыылаах буоллулар. Биһиги уһус бириистээх миэстэҕэ тиксэммит үөрүүбүт үрдээтэ.  

Просмотров: 47 | Добавил: mariya_56 | Дата: 22.03.2019 | Комментарии (0)

       Сылын аайы ыытыллар "Олоҥхо дойдутун оҕотобун" улуустааҕы фестиваль, быйыл эмиэ урукку сылларга буоларын курдук, кулун тутар 15 күнүгэр буолла. Дьүүллүүр сүбэҕэ фольклорист В.В. Обоюкова, С.Ө. үтүөлээх учуутала Е.К. Чиряев үлэлээбиттэринэн быйылгы фестиваль үрдүк таһымнаахтык ааспыта бэлиэтэннэ. Бирииһэ да ботуччу буолла. Биһиги оскуолабыт олоҥхоһуттарын бөлөҕө лауреат үһүс үрдэлигэр тигистэ уонна таҥастарын тиктэллэригэр матырыйаалынан бириэмийэлэннэ. Олоҥхону биирдиилээн толорууга Семенова Полина лауреат иккис үрдэлигэр тигистэ уонна 1000 солк. харчынан бириэмийэлэннэ. Олоҥхону чинчийэр оҕолор күрэхтэригэр Тараховскай Василий уонна Семенова Полина кытыннылар уонна иккиэн саастарынан арахсан лауреат иккис үрдэлигэр тигистилэр. Фестивальга ситиһиилээхтик кыттыбыт оҕолорбор инникитин өссө да үрдүктэн үрдүк дабайыылары баҕарабын!       < ... Читать дальше »

Просмотров: 46 | Добавил: mariya_56 | Дата: 17.03.2019 | Комментарии (0)

     Ааспыт нэдиэлэҕэ үөрэх үлэһиттэрин идэлэригэр улуустааҕы күрэхтэрэ буоллулар: кулун тутар 12 күнүгэр "Сыл бастыҥ учуутала" уонна "Сүрэхпин оҕоҕо аныыбын" учууталлар уонна эбии үөрэхтээһин педагогтарын улуустааҕы күрэҕэ буолан ааста. "Сыл бастыҥ учуутала" күрэххэ биһиги оскуолабытыттан алын кылаас учуутала Михайлова М.Ф. уонна СКО учуутала Николаева А.А. ситиһиилээхтик кытыннылар. Мария Федотовна тургутар бары түһүмэҕи чаҕылхайдык ааһан кыайыылаах үрдүк аатын ылла уонна Бүлүү улууһун республикаҕа көмүскүүр чиэскэ тигистэ. "Сүрэхпин оҕоҕо аныыбын" күрэххэ эдэр учуутал Протопопов С.С. ситиһиилээхтик кыттан "Бэйэтин дьыалатын маастара" анал аакка тигистэ уонна эбии үөрэхтээһин педагогтарын республикатааҕы күрэхтэригэр кыттар чиэскэ тигистэ. Кулун тутар 15 күнүгэр буолбут педагог-психологтар күрэхтэригэр Софронеева Н.А. "Сыл бастыҥ психоло ... Читать дальше »

Просмотров: 37 | Добавил: mariya_56 | Дата: 17.03.2019 | Комментарии (0)

     Кулун тутар 13 күнүгэр Н.Г. Чернышевскай аатынан Бүлүүтээҕи учуутал кыһатыгар Арассыыйа үрдүк үөрэҕин бочуоттаах үлэһитэ уонна норуот үөрэҕириитин туйгуна, СӨ билимин үтүөлээх диэйэтэлэ, Учууталлар Учууталлара, Бүлүү улууһун уонна Тылгыны нэһилиэгин Ытык киһитэ, Тыл үөрэҕин дуоктара, М.К. Аммосов аатынан Хотугулуу-Илиҥҥи бэдэрээлинэй үнүбэрситиэт саха тылын хаапыдыратын бэрэпиэссэрэ Г.Г. Филиппов 75 сааһыгар аналлаах "Ийэ тыл туруга: үөрэтии проблемалара" диэн тиэмэҕэ Төгүрүк остуол буолан ааста. Тэрээһиҥҥэ М.К. Аммосов аатынан Хотугулуу-Илиҥҥи бэдэрээлинэй үнүбэрситиэт Арассыыйа Хотугулуу-Илиҥҥи норуоттарын тылларын уонна култуураларын үнүстүүтүттэн тыл билимин дуоктардара Г.Г. Филиппов, И.Е. Алексеев - Хомус Уйбаан, тыл билимин хандьытаата Г.И. Гурьев, улуус баһылыга С.Н. Винокуров, Бүлүү к. баһылыга Н.В.Афанасьев, учуутал кыһатын үөрэтээччилэрэ, улуус, куорат са ... Читать дальше »

Просмотров: 47 | Добавил: mariya_56 | Дата: 17.03.2019 | Комментарии (0)

      Олунньу 22 күнүгэр Олоҥхону үөрэтээччи, фольклорист, тыл үөрэҕин билимин доктора, профессор, СӨ наукатын үтүөлээх деятелэ, РФ үрдүк үөрэхтээһинин бочуоттаах үлэһитэ Василий Васильевич Илларионов оскуолабытыгар ыалдьыттаата. Оҕолорго олоҥхо туһунан, олоҥхону үөрэтиини, чинчийиини, Бүлүү биллэр олоҥхоһуттарын ирэ-хоро кэпсээтэ, ыйытыыларга эппиэттээтэ. Көрсүһүүгэ биллэр олоҥхоһуттар Аманааскы, Доропуун, Хоохура хос сиэннэрэ Семенова Сардаана, Тараховскай Вася, Волков Айаал кытыннылар. Көрсүһүү, кэлин өйдүү-саныы сылдьарга анаан, уопсай хаартыскаҕа түһүүнэн түмүктэннэ.    

Просмотров: 43 | Добавил: mariya_56 | Дата: 24.02.2019 | Комментарии (0)

      Олунньу 22 күнүгэр Н.Г.Чернышевскай аатынан Бүлүүтээҕи педколледжка "АЙЫЛГЫ ФОРУМА. ЫТЫК БҮЛҮҮ: ТӨРҮТ ӨГЭС, СӨРГҮТҮҮ, ҮЙЭТИТИИ" диэн ааттаах СӨ Судаарыстыбаннай мунньаҕа Ил Түмэн депутата Н.Ф.Захарова, ф.н.д., профессор В.В.Илларионов, Национальнай архыып үлэһитэ П.И.Корякин, и.н.к. С.И.Петрова кыттыылаах аһаҕас форум буолан ааста. Форумҥа Бүлүү куоратын баһылыга, олохтоохторо, нэһилиэктэртэн элбэх киһи кытынна. Биһиги оскуолабытыттан М.Ф.Михайлова, М.А.Алексеева, О.И.Кычкина уонна мин кытынныбыт.  

Просмотров: 50 | Добавил: mariya_56 | Дата: 24.02.2019 | Комментарии (0)

      Олунньу 15-16 күннэригэр Дьокуускайга Саха Кэнгириэһэ буолан ааста. Саха Кэнгириэһин "Иитии-үөрэтии. Дьиэ кэргэн. Демография" секциятыгар кытынным. Киирии тылы Никитина Вилюяна Николаевна эттэ. ол кэнниттэн Винокурова У.А., Чиряев Е.К.,  Каженкин Р.Н., Осипов Д.Р., Иванова Н.И., Павлов Н.Н. - Халан, Керемясова Л.П. о.д.а. тыл эттилэр. Күн иккис аҥарыгар "Сахалыы эйгэни тэрийии, сахалыы үөрэҕи сокуонунан хааччыйыы", "Сахалыы үөрэх кыһалара", "Дьиэ кэргэн. Иитии. Демография", "Сахалыы эйгэни аныгы кэм ирдэбилинэн сайыннарыы" диэн бөлөхтөргө арахсан үлэлээтэ.  

Просмотров: 39 | Добавил: mariya_56 | Дата: 17.02.2019 | Комментарии (0)

1 2 3 ... 15 16 »
Вход на сайт
Календарь

Прогноз погоды в городе Вилюйск -->
Поиск

Copyright MyCorp © 2019
Сайт создан в системе uCoz