Воскресенье, 09.08.2020, 03:53
Приветствую Вас Гость | RSS

Сайт Муксуновой Марии Касьяновны

Меню сайта
Фраза дня

Мини-чат
Наш опрос
Оцените мой сайт
Всего ответов: 21
Статистика

Онлайн всего: 1
Гостей: 1
Пользователей: 0
Главная » Архив материалов

     Быйыл оскуоланы бүтэрбит 6 үөрэнээччибиттэн үһэ мэдээллээх бүтэрбититтэн олуһун үөрэбин. Ону таһынан саха тылыгар, литературатыгар уһулуччу үчүгэйдик үөрэммит Катанова Айталина Дмитриева А.А. анал стипендиятын ылла. Экзаменнарын ситиһиилээхтик туттаран талбыт идэлэринэн үөрэххэ киирэллэригэр хас биирдии үөрэнээччибэр баҕарабын... Күндү оҕолорум! Айаҥҥыт аартыга арылыннын, олоххут суола оҥоһулуннун, ыра санааҕыт барҕара туолуохтун! 

  

Просмотров: 3 | Добавил: mariya_56 | Дата: 04.07.2020 | Комментарии (0)

     Кыайыы күнүн көрсө биһиги оскуолабыт тэрийэн ыыппыт Презентация күрэҕэр 7 кылаас үөрэнээччитэ Шумилов Павел хос эһэтин туһунан "СҮГҮРҮЙЭБИТ! КИЭН ТУТТАБЫТ!" үлэтинэн бастакы миэстэни ылла. Павел улуустааҕы "Саха саарыннара" НПК кыттыбыт чинчийэр үлэтин презентациятын чочуйан, анимациялаан, күрэх ирдэбилигэр сөп түбэһиннэрэн оҥоруута үрдүк ситиһиилэммитэ хайҕаллаах. Үөрэнээччибэр инникитин да элбэх ситиһиилээх, айымньылаах үлэни баҕарабын!

Просмотров: 18 | Добавил: mariya_56 | Дата: 09.06.2020 | Комментарии (0)

     Сылын аайы ыытыллар "Олоҥхо дойдутун оҕотобун" улуустааҕы фестиваль быйылгы үөрэх дьылыгар кулун тутартан көһөн-көһөн ыам ыйын бүтүүтэ ОНЛАЙН ньыманан буолан ааста. Дьиэттэн үөрэнии түмүгэр уонна эрдэттэн да сүрүн болҕомто Уоланнар республикатааҕы ааҕыыларыгар бараары бэлэмнэниллибит буолан, быйыл фестивальга олоҥхоһуттарбыт кыайан кыттыбатылар. Олоҥхону чинчийэр оҕолор секцияларыгар Василий Тараховскай уонна Полина Семенова кыттаннар кыайыы өрөгөйүн биллилэр. Василий лауреат бастакы үрдэлигэр, Полина дипломант бастакы үрдэлигэр тигистилэр. Оҕолорго ситиһиилэринэн эҕэрдэ!!!  

Просмотров: 12 | Добавил: mariya_56 | Дата: 09.06.2020 | Комментарии (0)

     Дойду үрдүнэн бүрүүкээбит ааспакка-арахпакка буулаабыт дьаҥ-ыарыы түмүгэр быйылгы "ТИҺЭХ ЧУОРААН" бырааһынньыга бэс ыйын 5 күнүгэр билиҥҥи кэм ирдэбилинэн ОНЛАЙН киэбинэн ыытылынна. Быйылгы үөрэх дьылыгар оскуоланы 32 оҕо бүтэрэр: 11а кылааһы - 18, 11б кылааһы - 14. 11б кылаас нуучча уонна саха кылааһын оҕолоро холбоспуттарын быһыытынан саха литературатыгар 10-11 кылааска 6 оҕо үөрэнэн бүтэрдэ. 5 кылаастан уус-уран ааҕыыга уһуйбут уолаттарым, чинчийэр үлэнэн умсугуппут оҕом, олимпиадаҕа ситиһиилээх кыыһым оскуоланы бүтэрэн эрэллэриттэн тэҥҥэ үөрсэбин, долгуйабын... Оҕолорбун улахан олох киэҥ аартыгар арчылаах алгыспынан амалыйа хаалабын... Хас биирдиилэрэ дьоһун дьон буолуоҕар эрэнэбин.

https://youtu.be/IeCIhlaGAkQ    ... Читать дальше »

Просмотров: 13 | Добавил: mariya_56 | Дата: 08.06.2020 | Комментарии (0)

      Дьиэттэн үөрэтиигэ Идэни үрдэтэр уонна үөрэҕи сайыннарар институт курстарыгар үөрэнэн, ол үөрэхпитин туоһулуур докумуоннары бу күннэргэ республика учууталлара тэҥҥэ тутан үөрдүбүт. Билиҥҥи сайдыылаах олох тэтиминэн хардыылыырга Идэни үрдэтэр уонна үөрэҕи сайыннарар институт биэрбит билиитэ көмө-тирэх буолуоҕар бигэтик эрэнэбин. 

    

 

Просмотров: 17 | Добавил: mariya_56 | Дата: 15.05.2020 | Комментарии (0)

     Дойду үрдүнэн ааҥнаабыт вирустан сылтаан дьиэҕэ олорон үөрэниини үөрэтэргэ, бастатан туран, учуутал бэйэтин билиитин хаҥатынара, эбии үөрэнэрэ, үөрэтинэрэ кэм ирдэбилэ буолла. Бу ирдэбиллэргэ сөп түбэһээри араас үөрэтэр Платформалары үөрэтэн бэйэм биридимиэппэр сөп түбэһэри талан, сайыннаран, оҕолорбун үөрэтэ сылдьабын, Үөрэҕи сайыннарар уонна идэни үрдэтэр Институт курсугар үөрэммиппин туоһулуур докумуоммун туттум, видеоны оҥорор "Видеопад" программаҕа үөрэнэн, "Уруй буоллун, Геройга!" диэн оҕолор дьиэлэриттэн ыыппыт кэрчик ааҕыыларын холбоон, таҥан оҥорбут видеом Уоланнар республикатааҕы ааҕыыларыгар кыайыылаахтар ахсааннарыгар киирдэ, Кыайыы күнүгэр биллэриллибит араас акцияларга кыаҕым тиийэринэн кытынным. Маны таһынан биһиги оскуолабыт Кыайыы 75 сылын көрсө тэрийэн ыытар PowerPoint бырагырааманан электроннай презентация улуустааҕы куонкуруһугар 7б кылаас үөрэнээчч ... Читать дальше »

Просмотров: 16 | Добавил: mariya_56 | Дата: 12.05.2020 | Комментарии (0)

      Ыам ыйын 7 күнүгэр республика үрдүнэн ыытыллыбыт "Кыайыы дьыктаана" акцияҕа кыттан, 9б, 6б, 5б кылаас үөрэнээччилэрэ бары дьыктаан суруйдулар.  

Просмотров: 17 | Добавил: mariya_56 | Дата: 12.05.2020 | Комментарии (0)

    Уоланнар республикатааҕы ааҕыыларын түмүгэ ыам ыйын 7 күнүгэр билиннэ. Биһиги 1 степеннээх дипломант буолан үөрүүбүт үрдээтэ.  

УЛУУ КЫАЙЫЫ 75 СЫЛЫН КӨРСӨ
XV ӨРӨСПҮҮБҮЛҮКЭТЭЭҔИ “КӨТҮӨХХЭ ҮРДҮККЭ ХОТОЙДУУ”  УОЛАННАР ААҔЫЫЛАРА ТҮМҮКТЭННЭ

XV өрөспүүбүлүкэтээҕи “Көтүөххэ үрдүккэ хотойдуу”  уоланнар ааҕыыларыгар өрөспүүбүлүкэ 10 улууһуттан уонна Дьокуускай куорат оскуолаларыттан 29 бөлөх (255 оҕо) кэтэхтэн, саҥа форматынан видеоролигынан кытынна. “Көтүөххэ үрдүккэ хотойдуу”  уоланнар ааҕыылара 15 сыллаах үбүлүөйүнэн кыттыыны ылбыт бары бөлөхтөр араас бириистэргэ тигистилэр. Улуу Кыайыы 75 сылыгар аналлаах ааҕыыларга буойун-суруйааччылар, буойун-суруналыыс, буойун-учуу ... Читать дальше »

Просмотров: 15 | Добавил: mariya_56 | Дата: 11.05.2020 | Комментарии (0)

     "Көтүөххэ үрдүккэ хотойдуу" уоланнар XV республикатааҕы ааҕыылара быйыл дойду үрдүнэн буолбут карантинынан сибээстээн, кэтэхтэн видео куонкуруһунан ыытылынна.  Бу күрэххэ 5, 6, 7 кылаас уолаттарын бөлөҕө "Уруй буоллун, Геройга!" (Герой Н.С.Степановка) дьүһүйүүнэн кытыннылар. Хас биирдии оҕо хоһоонун дьиэтигэр ааҕан, видеоҕа уһултаран ыыппытын холбоон, видеоролик оҥорон, эрдэ, сааскы каникулбутугар Дьокуускайга барбатах хомолтобутун уоскутуннубут.  Күрэххэ республика араас улуустарыттан барыта 29 бөлөх кыттыбыт. Видеолар бары ютуб каналыгар уонна Инстаграмҥа угуллан тураллар. Күрэҕи театр артыыстара кыттыылаах дьүүллүүр сүбэ сыаналыахтаах. Түмүгү долгуйа кэтэһэбит.    

Просмотров: 20 | Добавил: mariya_56 | Дата: 02.05.2020 | Комментарии (0)

     Төрдүс чиэппэргэ дьиэттэн үөрэх салҕанан бара турар. Бу ыарыы-эпидемия хаһан тохтуурун маннык үөрэҕинэн кэтэһэрбитигэр эрэ тиийэбит. "Google Rlassroom" үөрэх Платформатынан оҕолору үөрэтэбин. Хас да Платформаны үөрэтэн, талан баран саха тылын учууталыгар саамай табыгастаахтара бу эбит диэн санааҕа киирэн, маннык үөрэтэбин. Бассаап ситиминэн үөрэнээччилэр эмиэ бааллар. Улууска сибээс (Интернет) мөлтөҕө үлэни улаханнык харгыстыыр эбит. Сорох күн олох баран хаалар, оччоҕо нэһиилэ бассаабынан эрэ үөрэтэргэр тиийэҕин... 

Просмотров: 20 | Добавил: mariya_56 | Дата: 27.04.2020 | Комментарии (0)

1 2 3 ... 19 20 »
Вход на сайт
Календарь

Прогноз погоды в городе Вилюйск -->
Поиск

Copyright MyCorp © 2020
Сайт создан в системе uCoz