Пятница, 03.07.2020, 13:40
Приветствую Вас Гость | RSS

Сайт Муксуновой Марии Касьяновны

Меню сайта
Фраза дня

Мини-чат
Наш опрос
Оцените мой сайт
Всего ответов: 21
Статистика

Онлайн всего: 1
Гостей: 1
Пользователей: 0
Главная » Архив материалов

     Субуотаҕа, кулун тутар 14 күнүгэр, оскуола аактабай саалатыгар "Святые матери Победы" диэн "Читаем все" бырайыакка сөп түбэһиннэрэн 1-6 кылаас оҕолоругар дьиэ кэргэнинэн хоһоон ааҕыыга күрэх буолла. Бу олус сонун уонна сэргэх тэрээһини алын кылаас учууталлара көҕүлээн ыыттылар. Түмүк 1-2, 3-5 уонна 5-6 кылаастар икки ардыларыгар буолла. Улахан кылаас оҕолорун кыттыыта аҕыйах. Ааҕыыга 5 б кылаас үөрэнээччитэ Игнатьева Розаны бэлэмнээн, ийэтин уонна 11 б кылааска үөрэнэр убайын кытта "Эргиллии" композициянан кытыннылар. Иккис бириистээх миэстэни кытта "Сложность репертуара" анал номинацияҕа тиксэн үөрүү өрөгөйүн биллилэр. Оттон бастакы миэстэни 7 б кылаас үөрэнээччитэ Шумилов Павел эбэтиниин, үһүс миэстэни 6 б кылаас үөрэнээччитэ Сергеева Маша 10 б кылааска үөрэнэр убайыын, Степанныын, ыллылар.  

Просмотров: 34 | Добавил: mariya_56 | Дата: 17.03.2020 | Комментарии (0)

     Кулун тутар 12 күнүгэр улуустааҕы "А.А.Михеева ааҕыылара-2020" биһиги оскуолаҕа буолан аастылар. Ааҕыыга кыттан, үлэм уопута тарҕаммытын туоһулуур сертификат туттум.                                                                                                                           

                                                                            &nbs ... Читать дальше »

Просмотров: 26 | Добавил: mariya_56 | Дата: 12.03.2020 | Комментарии (0)

     Саха тылын учууталларын республикатааҕы сайт-бырайыага биллэрбит "Саха хоһооно" видеоролик куонкуруһугар кыттан 5 б кылаас уолаттарын бөлөҕө бастакы, 6б уонна 8б кылаас уолаттарын холбоһуктаах бөлөхтөрө уһус, 7б уонна 9б кылаас уолаттарынө бөлөҕө үһүс, 9б кылаас уолаттара үһүс миэстэлэри ылан үөрүүбүт үрдээтэ.   

Просмотров: 27 | Добавил: mariya_56 | Дата: 09.03.2020 | Комментарии (0)

     "Саха тылын бастыҥ кабинета" Интернетинэн республикатааҕы күөн күрэскэ кыттан бастакы миэстэҕэ тигистибит. Көрүү 6 кэриҥинэн сыаналаммыт. бастакынан материальнай, дидактическай, педагогическай о.д.а. тоҕоостоох түгэннэргэ толору 10 баал, кабинет уратытыгар эмиэ толору 10 баал, техническэй хааччыллыытыгар 9 баал, төһө тупсаҕайдык оҥоһуллубута, кабинет сыллааҕы былаанын сатабыла, пааспарын тупсаҕайа, ирдэбилгэ эппиэттиирэ - барытыгар толору баалынан сыаналаммыт. Барыта 12 учуутал кыттыбытыттан икки бастакы, икки иккис, икки үһүс миэстэлэр тахсыбыттар. Онон улахан куонкуруска ситиһиилээхтик кыттыы - учуутал улэтин сатабыллаахтык түмэн көрдөрүүтэ буолар.   

Просмотров: 30 | Добавил: mariya_56 | Дата: 09.03.2020 | Комментарии (0)

     "Науки юношей питают" республикатааҕы НПК кэтэхтэн кыттан Тараховскай Василий уонна Шумилов Павел Дьокуускайга салгыы кыттар быраабы ыллылар. Ону таһынан Оксана Ивановна салайар оҕото Кононов Николай, "Кэскил" оҕону сайыннарар киинтэн биһиги үөрэнээччибит Игнатьев Григорий кыттар буолбуттар. Оскуолаттан 6 оҕоҕо сайаапка барбытыттан 3 оҕото салгыы кыттар буолбута үчүгэй сонун. 

Просмотров: 29 | Добавил: mariya_56 | Дата: 04.03.2020 | Комментарии (0)

      Бүлүүтээҕи педагогическай колледж эбии үөрэхтээһин педагогикатын сыана искусствотын хайысхатын үһүс кууруһун устудьуона Михайлова Марина Игнатьевна үөрэммит оскуолатыгар судаарыстыбаннай быраактыка ааста. Быраактыкатын кэмигэр оҕолору эрчийдэ, үөрэттэ, оҕолору күрэхтэргэ бэлэмнээн ситиһиилээхтик кытыннарда.  

Просмотров: 34 | Добавил: mariya_56 | Дата: 13.02.2020 | Комментарии (0)

     Ийэ тыл уонна сурук-бичик күнүгэр оскуолабытыгар линейка буолла. Сарсыардаттан оҕолор да, учууталлар да салама баайан ыйаатылар. Олоҥхо дьиэтиттэн алгысчыттар кэлэн алгыс түһүлгэтин түһэрдилэр, оһуокай тардылынна. Тыл оонньуута ыытылынна, онон бу дьоро күн тэрээһиннээхтик ааста.   

Просмотров: 38 | Добавил: mariya_56 | Дата: 13.02.2020 | Комментарии (0)

     Олунньу ый 7-8 күннэригэр икки күн устата "Саха саарыннара" улуустааҕы НПК биһиги оскуолабытыгар буолан ааста. Бу улахан конференцияҕа үөрэтэр оҕолорбуттан таҥан практиканка Михайлова Марина Игнатьевнаны кытта үс бөлөҕү бэлэмнээн кытыннардыбыт. 5 кылаас уолаттара "Аптаах саха тылынан" ааҕыылара уонна 7, 9 кылаас уолаттара "Дьыл эргиирэ" литературнай композициялара бириистээх үһүс миэстэлэри ыллылар. Оттон үс тылынан ааҕыллыбыт 6, 8 кылаас уолаттарын "Кыталыктар үҥкүүлэрэ" хоһоону толоруулара эрдэ иккитэ бастакы миэстэни ылбыт эбит буоллаҕына, бу сырыыга бириистээх миэстэҕэ кыайан тиксибэтэ. Эбии үөрэхтээһин педагогикатын сыана искусствотыгар хайысхатын устудьуона анаан бэлэмнээбит, композицияны туруорбут буолан, оҕолор ааҕар таһымнара тубуста, сүргэлэрэ көтөҕүлүннэ, 13 чыыһылаҕа "Алгыска" күрэххэ кыттыах баҕалара күөдьүйдэ.  ... Читать дальше »

Просмотров: 36 | Добавил: mariya_56 | Дата: 12.02.2020 | Комментарии (0)

     Субуотаҕа, олунньу 1 күнүгэр П.Х.Староватов аатынан кыраайы үөрэтэр музейга И.М.Гоголев - Кындыл хоһооннорун биирдиилээн уонна бөлөҕүнэн ааҕыыга куорат оскуолаларын үөрэнээччилэрин ортолоругар күрэх буолла. Үөрэтэр оҕолорбуттан барыта 19 уолу кытыннардым. 5 б кылаас уолаттарын бөлөҕө "Аптаах саха тылынан" композициянан 5-6 кылаас оҕолоругар бастакы миэстэни ыллылар. 7-8 кылаас оҕолорун ааҕыытыгар "Кыталыктар үҥкүүлэрэ" хоһоону үс тылынан ааҕан "УОЛАН" иккис бөлөҕө бастаата. Бу бөлөххө "УОЛАН" үһүс бөлөҕө "ДЬЫЛ КЭМЭ" дьүһүйүүнэн иккис бириистээх миэстэҕэ тигистэ. Уолаттарым маладьыастар. Аны 7 чыыһылаҕа буолуохтаах "САХА СААРЫННАРА" НПК-ҕа ааҕарга салгыы бэлэмнэниэхтэрэ, салгыы 13 чыыһылаҕа "Алгыс" СК тэриллэр ааҕыы күрэҕэр кыттыахтара.

Просмотров: 37 | Добавил: mariya_56 | Дата: 01.02.2020 | Комментарии (0)

        И.М.Гоголев - Кындыл хоһооннорун бөлөҕүнэн уонна биирдиилээн ааҕыыга оскуола иһинэн күрэх буолан ааста. Алын кылаас оҕолорун кэнниттэн үрдүкү кылаас үөрэнээччилэрэ аахтылар. Үөрэтэр оҕолорбуттан таҥан үс бөлөҕү бэлэмнээн аахтардым. Ааҕыыга 5-8 кылаастардан үс бөлөххө сүүрбэ уол кытынна. түмүк тахсар нэдиэлэ бастакы күнүгэр биллиэхтээх. 

Просмотров: 32 | Добавил: mariya_56 | Дата: 01.02.2020 | Комментарии (0)

« 1 2 3 4 ... 18 19 »
Вход на сайт
Календарь

Прогноз погоды в городе Вилюйск -->
Поиск

Copyright MyCorp © 2020
Сайт создан в системе uCoz