Оскуолабытыгар балаҕан ыйын 15 күнүгэр Саха Өрөспүүбүлүкэтин үөрэҕириитин уонна култууратын туйгуна М.П. Сивцева үлэлииригэр анаан, өр сылларга иитиэхтээн сылдьыбыт баҕа санаатын толорон, музей-лабораторияны арыйда. Бу улахан тэрээһиҥҥэ, Куорат күнүн тэрээһиннэрин былааныгар киирбитинэн, уонна иккис чааһыгар М.Н.Жирков кинигэтин билиһиннэрии буоларынан, элбэх ыалдьыт сырытта. Кэлбит ыалдьыттар музей-лаборатория баай матырыйаалын кэрэхсии көрдүлэр, экспонаттары бэлэхтээтилэр, үтүө баҕа санааларын эттилэр. 

    Балаҕан ыйын 14 күнүгэр П.И. Быканов аатынан Халбаакы орто оскуолата тэрийиитинэн норуодунай поэт И.М. Гоголев - Кындыл Уйбааҥҥа аналлаах I улуустааҕы "Кындыл көмүс күһүнэ" тэрээһин Гоголевтар олоро сылдьыбыт, Халбаакыга бастакы оскуола турбут сиригэр Лаҥхаҕа буолан ааста. "Кындыл көмүс күһүнүгэр" Халбаакы оскуолатын оҕолоро, үлэһиттэрэ, төрөппүттэрэ уонна И.М. Гоголев - Кындыл аатынан Чочу, Герой Н.С.Степанов аатынан Бүлүү орто оскуолаларын үөрэнээччилэрэ, учууталлара кытыннылар. Биһиги оскуолабытыттан бу тэрээһиҥҥэ барыта 17 оҕо уонна 4 учуутал кытынна. Оҕолору үс бөлөҕүнэн "Таптыыр сахам тылынан...", "Күһүҥҥү тыал...", "Саха тыла", учууталлары "Саха ийэ иһитэ" литературнай дьүһүйүүлэринэн кытыннардым. Тута хоһоон айыытыгар кыттаммын 30 кыттааччыттан 2 миэстэни ылан, оскуола оҕоруотун күһүҥҥү бэлэҕинэн, хортуоскалаах хаппыыстанан, мэ ... Читать дальше »