Муус устар 4-5 күннэригэр Дьокуускайга саха тылын, литературатын уонна култууратын учууталларын бастакы өрөспүүбүлүкэтээҕи сийиэстэрэ буолан ааста. Бүлүү улууһуттан сийиэскэ саха тылын, литературатын үөрэтэр 10 учуутал уонна култууратын алын кылаастары үөрэтэр учууталлар, оскуола завучтара, директордара, Бүлүүтээҕи педколледж преподавателлэрэ дэлэгээт быһыытынан кытыннылар.

     Кулун тутар 29-31 күннэригэр Өлүөнэ кыраайыгар Өктөмҥө "Будущие интеллектуальные лидеры" диэн ааттаах өрөспүүбүлүкэ үөрэнээччилэрин форума буолан ааста. Бу форумҥа МАН граныгар, дьиҥнээх чилиэнигэр уонна чилиэн-кэрэспэдьиэнигэр талыллыбыт оҕолор ыҥырыллан, үс күн устата бырайыак оҥоруутугар үөрэннилэр, күрэхтэстилэр. Биһиги оскуолабыт 8б кылааһын уолаттара Игнатьев Григорий уонна Кононов Николай форумҥа кыттан, элбэҕи билэн-көрөн, сайдан, инники саҥа былааннардаах, көрүүлэрдээх эргиллэн кэлэн, үөрэх дьылын түмүктүүр төрдүс чиэппэргэ үөрэхтэрин саҕалаатылар. 

     Кулун тутар 30-31 күннэригэр Геройдар ааттарын сүгэр оскуолалар өрөспүүбүлүкэтээҕи сүлүөттэрэ биһиги оскуолабытыгар саҕаланна. Сүлүөт үөрүүлээх арыллыытын Кыайыы болуоссатыгар директоры иитэр үлэҕэ солбуйааччы С.М.Воронова иилээн-саҕалаан ыытта. Хамаандалар икки ардыларыгар ыытыллыбыт икки күннээх көрүү-күрэххэ маҥнайгы миэстэни Мэҥэ Хаҥалас улууһуттан Ф.К.Попов аатынан оскуола күүстээх хамаандата ылыан ылла. Бэлиэтээн эттэххэ, быйылгы өрөспүүбүлүкэтээҕи "Снежный барс" күрэххэ бу хамаанда эмиэ кыайыылаах буолбута. Иккис бочуоттаах миэстэни биһиги оскуолабыт хамаандата, үсүһү  А.А.Миронов аатынан Мастаах орто оскуолатын хамаандата ыллылар.   

22 марта состоялся телемарафон по сбору денежных средств в рамках подготовки и проведения Ысыаха Олонхо и юбилея М.Н.Жиркова. Приняли участие организации, предприниматели, жители всего района и др. Коллектив нашей школы принимал самое активное участие и по сбору денежных средств, и по проведению телемарафона. Выступали ансамбли тойуксутов и чабырҕахсытов.

     Кулун тутар 17-19 күннэригэр "Алгыс" сынньалаҥ киинигэр Олоҥхо ыһыаҕар уонна бастакы профессиональнай композитор М.Н.Жирков төрөөбүтэ 125 сылыгар бэлэмнэнэнэр сыаллаах тэрилтэлэр икки ардыларыгар "Ытык Бүлүү – олоҥхо, ырыа түһүлгэтэ!" фестиваль буолла. Фестиваль түмүгүнэн бастакы миэстэни А.Н.Архангельскай директордаах ЖКХ тэрилтэтэ, иккис миэстэни Н.Г.Чернышевскай аатынан Бүлүүтээҕи педколледж, үсүһү биһиги оскуолабыт ыллылар. Ону таһынан биирдии нүөмэргэ тахсыбыт түмүккэ биһиги оскуолабытыттан "Оһуор үҥкүүтэ", чабырҕахсыттар бөлөхтөрүн, тойуксуттар бөлөхтөрүн толоруулара бастакы миэстэлэри ыллылар. Түмүк гала-концертка нүөмэрбит барыта киирдэ.

Оскуола үөрэнээччилэрин республикатааҕы кэтэхтэн ааҕыыларыгар кыттан, 8б кылаас үөрэнээччитэ Игнатьев Григорий лауреат үрдүк аатыгар тигистэ. Гришаҕа улахан ситиһиитинэн истиҥ эҕэрдэ!

17 марта 2017 г., на базе Якутской кадетской школы интернат проведена V Республиканская юношеская научно-практическая конференция «Науки юношей питают…». Всего приняло участие 198 юношей, из 18 административных территорий Р(Я) (г. Якутск, Мегино Кангаласский, Томпонский, Хангаласский, Таттинский, Усть-Алданский, Амгинский, п. Жатай, Кобяйский, Намский, Горный, Томпонский, Булунский, Анабарский, Вилюйский, Олекминский, Нюрбинский)

Конференция работала по 5 направлениям, разделены на возрастные категории: кадеты (5-8 классы), юниоры (9-11 кл.). Всего работали 27 экспертов (ЯНЦ СО РАН, МАН РС(Я), СВФУ им. М.К. Аммосова, Детское издательство  «Кэскил» им. Н.Е. Мординова - Амма Аччыгыйа, МВД РФ по РС (Я), ГКУ РС (Я)"Служба с ... Читать дальше »

    Кулун тутар 15 күнүгэр В.О.Каратаев аатынан Олоҥхо дьиэтигэр үгэскэ кубулуйбут "Олоҥхо дойдутун оҕотобун" улуустааҕы фестиваль ХIХ-с төгүлүн буолан ааста. Бу фестивальга барыта 163 оҕо кытынна. Ордук элбэх оҕо Тааһаҕартан Маргарита Егоровна Григорьева салалтатынан кытынна. Биһиги оскуолабытыттан олоҥхону толорууга алын кылаас үөрэнээччитэ Егорова Айталыына, чинчийэр дакылаатынан Кононов Коля (8б кылаас), Волков Айаал (6б кылаас), Тараховскай Вася (5б кылаас) кытыннылар. Тараховскай Вася "Олоҥхоһут Доропуун - мин хос эһэм" үлэтинэн лауреат иккис үрдэлигэр тигистэ. Васяҕа олоҥхо алыптаах эйгэтигэр киирэн чинчийэр үлэни ситиһиилээхтик саҕалаабытынан эҕэрдэ! Инникитин чинчийэр үлэ киэҥ киэлитигэр үрдүктэн-үрдүк ситиһиилэри баҕарабыт!

     Кунду дьүөгэлэрбин, үөлээннээхтэрбин, биир идэлээхтэрбин, аналлаах күҥҥүтүнэн, сааскы бастакы бырааһынньыгынан ис сүрэхпиттэн эҕэрдэлиибин! Эһиэхэ барыгытыгар үгүс утүмэн үөрүүнү, эҥин элбэх кэрэни, айымньылаах үлэни, сатаан аахпат харчыны, үллэр-баллар уйгуну, олус дьоллоох олоҕу баҕарабын бу сиргэ!