Воскресенье, 09.08.2020, 02:50
Приветствую Вас Гость | RSS

Сайт Муксуновой Марии Касьяновны

Меню сайта
Фраза дня

Мини-чат
Наш опрос
Оцените мой сайт
Всего ответов: 21
Статистика

Онлайн всего: 1
Гостей: 1
Пользователей: 0
Главная » Архив материалов

        Бээтинсэ күн, ахсынньы 8 күнүгэр, Россия Геройдарын күнүн көрсө оскуолаҕа үөрүүлээх линейка буолла. Улуус администрациятыттан ыччат политикатын отделын начальнига Харлампьев Н.Н., Бүлүүтээҕи байыаннай комиссариаттан военком Харлампьев С.Н., оскуола директорын эбээһинэһин толорооччу Воронова С.М. тыл эттилэр, мустубут дьону эҕэрдэлээтилэр, Герой үрдүк аатын чиэстээхтик сүгэргэ үөрэнээччилэри ыҥырдылар. "УОЛАН" бөлөх Советскай Союз Геройа Н.С.Степановка аналлаах композицияны ааҕан иһитиннэрдэ. Линейканы омук тылын учуутала Тимофеева Н.Н. салайан ыытта.

   

Просмотров: 182 | Добавил: mariya_56 | Дата: 10.12.2017 | Комментарии (0)

     Ахсынньы 7 күнүгэр "Алгыс" сынньалаҥ киинигэр оскуола историятын кэпсиир альбом-кинигэ тахсыытыгар харчы киллэрэр сыаллаах "Талааннар салюттара" диэн оскуола улахан концера буолла. Концеры республикатааҕы уоланнар бөлөҕүнэн ааҕыыларын хас да төгүллээх дипломаннара, 9 б кылаас уолаттара, "Герой Н.С. Степановка" дьүһүйүүнэн арыйдылар. Омук тылын учуутала Тимофеева Н.Н. уонна 9 кылаас үөрэнээччитэ Платонов Валентин иилээн-саҕалаан салайан ыыттылар. Улуустааҕы уус-уран ааҕыы күрэҕин дипломаннара 6 б кылаас уолаттара П.Тобуруокап "Илии тутуурдаах" кэпсээниттэн быһа тардан ааҕаннар көрөөччүлэр сэҥээриилэрин ыллылар. Ону таһынан улуустааҕы уус-уран ааҕыы кыайыылааҕа учууталлар "Далбарай" бөлөхтөрө кытынна. Көрөөччүлэр ытыстарын дохсун тыаһынан доҕуһуоллатан концерт истиҥ-иһирэх сыһыаҥҥа үрдүк таһымаахтык ааста.

... Читать дальше »

Просмотров: 163 | Добавил: mariya_56 | Дата: 10.12.2017 | Комментарии (0)

     Ахсынньы 2 күнүгэр П.Х.Староватов аатынан кыраайы үөрэтэр музей быыстапкалыыр саалатыгар биһиги оскуолабыт учуутала Кычкина О.И. "Үлэбиниин дьүөрэлиир дьиктилээхэй дьарыгым" диэн оҕо сааһыттан ыла дьарык оҥостон мунньуммут коллекциятын көрдөрөр айар быыстапката арылынна. Быыстапка арыллыытын коллекционердар "Иэйии" түмсүүлэрин салайааччыта И.Е.Петрова иилээн-саҕалаан салайан ыытта. быыстапка арыллыытыгар Оксана Ивановна үлэлиир коллективын идэлээх түмсүүтүттэн бэрэссэдээтэлэ, солбуйааччыта, алын кылаас учууталлара, үөрэтэр оҕолоро, үөлээннээхтэрэ, оскуолатааҕы дьүөгэлэрэ ыалдьыттаатылар, быыстапканы-сөҕө-махтайа көрдүлэр. Быыстапка биир нэдиэлэ устата үлэлиир эбит. Дуоһуйа сынньанарга, оҕо саастыын алтыһарга тоҕоостоох түгэни мүччү туппакка, кэрэни кэрэхсии, умсулҕаннаах дьикти дьарык сырдык иэйиитинэн сыдьаайа кэлэргитин кэтэһэр, быыстапкалыыр саала.  ... Читать дальше »

Просмотров: 172 | Добавил: mariya_56 | Дата: 03.12.2017 | Комментарии (0)

    Сэтинньи 25 кунүгэр "Алгыс" сынньалаҥ киинигэр Норуодунай бэйээт, оҕо-аймах тапталлаах суруйааччыта Бүөтүр Тобуруокап төрөөбүтэ 100 сылыгар аналлаах "Күндүттэн күндүнү - олоҕу туойбутум" диэн улуустааҕы ааҕыы күрэҕэ буолан ааста. Күрэххэ детсад саастаах оҕолортон саҕалаан улахан дьоҥҥо тиийэ элбэх кыттааччы Бүөтүр Тобуруокап айымньыларын итэҕэтиилээхтик аахта. Биһиги оскуолабыт үөрэнээччилэрэ бөлөҕүнэн ааҕыыга кытыннылар уонна 2, 3 миэстэлэри ыллылар. Ол курдук М.А. Соколова уһуйар 6 а кылаас үөрэнээччилэрин "Ситим" оҕо театральнай студиятын иитиллээччилэрэ 3 миэстэҕэ, М.К. Муксунова салайар 6 б кылааһын уолаттара "Илии тутуурдаах" прозаическай айымньыны ааҕыылара 2 миэстэҕэ тигистилэр. Оттон Л.Г. Иннокентьева салайар Хампа орто оскуолатын оҕолоро Тобуруокап хоһооннорун үс тылынан ааҕан кыайыылаах үрдүк аатын ыллылар. Ааҕааччыларбытын ситиһиилэринэн эҕэрдэлииб ... Читать дальше »

Просмотров: 125 | Добавил: mariya_56 | Дата: 25.11.2017 | Комментарии (0)

     Сэтинньи 20 кунүгэр Бүлүүтээҕи гимназияҕа үгэс буолбут ХХII төгүлүн ыытыллар "Шаг в будущее - Инникигэ хардыы" научнай-практическай конференция буолан ааста. Быйылгы конференция уратытынан, суол суоҕунан сибээстээн, кэтэхтэн кыттыылаах тэрилиннэ. Ону таһынан ирдэбил быһыытынан нуучча уонна англия тылларынан стенд уонна тезис толоруллуохтааҕа. Онон буоллаҕа буолуо, быйыл конференцияҕа хаһааҥҥытааҕар да аҕыйах оҕо кытынна. Ол эрээри саха филологиятыгар уонна культурологияҕа оҕо кыттыыта бары секциялардааҕар элбэх эбит. Оттон история курдук элбэх подсекциялаах секцияҕа 5-6 кылаастарга 2 оҕо, 7-8 кылаастарга 3 оҕо, 9-11 кылаастарга 2 оҕо кытынна, онон бу секцияҕа соччо чаҕылхайа да суох үлэлээх кыттааччылар бары миэстэлэстилэр. Маны таһынан кэтэхтэн кыттыбыттар миэстэҕэ тигистилэр, региоҥҥа салгыы кыттарга мэктиэлэннилэр. Биһиги оскуолабытыттан Саха филологиятыгар кыттыбыт 6 б кылаас үөр ... Читать дальше »

Просмотров: 143 | Добавил: mariya_56 | Дата: 22.11.2017 | Комментарии (0)

   Сэтинньи 13 күнүттэн Бүлүү улууһугар Олоҥхо декадата саҕаланна. Бүлүү куорат баһылыга Н.В. Афанасьев бу күн куорат бары тэрилтэлэригэр саха таҥаһын кэтэн кэлэн күнү атаарарга ыҥырыы таһаарбыта. Этиини өйөөн, оскуолабыт үлэһиттэрэ, учууталлара, үөрэнээччилэр сахалыы таҥнан кэлэн, норуот үйэлэргэ муспут муудараһыгар -Олоҥхоҕо анаан перемена аайы оһуохай эттилэр. оһуохай тылын оҕо хамсааһынын тэрийээччитэ А.А. Кузнецова таһаарда.

Просмотров: 160 | Добавил: mariya_56 | Дата: 14.11.2017 | Комментарии (0)

     Сэтинньи 7 кунэ – Улуу Өктөөп өрөгөйдөөх күнэ урукку кэмнэргэ ере кууруулээхтик бэлиэтэнэрэ. Быйыл норуокка история буолан, 100 сылынан бэлиэтэнэн, Улуу Өктөөп тиийэн кэлбитинэн, Булуу куоратын олохтоохторо, тэрилтэлэрэ биир халыҥ кэккэнэн парадтыы та5ыстылар. Хаамыыга бары тэрилтэ улэһиттэрэ, оскуола үрдүкү кылааьын үерэнээччилэрэ кыһыл былааҕы күөрэччи тутан, ньиргиэрдээхтик хаамтылар.

Просмотров: 155 | Добавил: mariya_56 | Дата: 13.11.2017 | Комментарии (0)

     3 ноября в Музее им. П.Х. Староватова состоялось мероприятие «Ночь искусств».Посетителей было много. Здесь проведены мастер-классы и по шитью, и по декупажу, и по росписи по камню, и по бисероплетению, и по изготовлению кукол. Зам. директора музея Наталья Прокопьевна Сергеева делилась богатым опытом изготовления кукол.

Просмотров: 151 | Добавил: mariya_56 | Дата: 13.11.2017 | Комментарии (0)

   «САХА ТЫЛЫН УОННА ЛИТЕРАТУРАТЫН УЧУУТАЛЛАРЫГАР» республикатааҕы саайт-бырайыак тэрийиитинэн литературнай викторина күрэҕэ түмүктэннэ. Викторинаҕа барыта 455 оҕо үс бөлөҕүнэн кыттыбыт. бастакы бөлөххө, 1-4 кылаас үөрэнээччилэригэр 193, иккис бөлөххө, 5-8 кылаас үөрэнээччмлэригэр 153, үһүс бөлөххө, 9-11 кылаас үөрэнээччилэригэр 109 оҕо кытыбыт. Биһиги оскуолабытыттан 9 б кылаас үөрэнээччитэ Игнатьев Григорий викторинаҕа иккис миэстэни ылла. Григорийга инникитин даҕаны үрдүк ситиһиилэри баһарабыт!  

Просмотров: 137 | Добавил: mariya_56 | Дата: 12.11.2017 | Комментарии (0)

    "Төрүччү - 2017" республикатааҕы кэтэхтэн НПК түмүктэннэ. Оскуолабыт үөрэнээччилэрэ Дабдасов Валентин, 5 б кылаас - 1 м., Игнатьев Григорий, 9 б кылаас - 2 миэстэни, Кононов Николай, 9 б кылаас - 3 м. ылбыттар. Үөрэнээччилэрбитигэр уонна кинилэр салайааччыларыгар ситиһиилэринэн эҕэрдэбитин тиэрдэбит!

Просмотров: 230 | Добавил: mariya_56 | Дата: 12.11.2017 | Комментарии (0)

« 1 2 ... 8 9 10 11 12 ... 19 20 »
Вход на сайт
Календарь

Прогноз погоды в городе Вилюйск -->
Поиск

Copyright MyCorp © 2020
Сайт создан в системе uCoz