Балаҕан ыйын 14 күнүгэр П.И. Быканов аатынан Халбаакы орто оскуолата тэрийиитинэн норуодунай поэт И.М. Гоголев - Кындыл Уйбааҥҥа аналлаах I улуустааҕы "Кындыл көмүс күһүнэ" тэрээһин Гоголевтар олоро сылдьыбыт, Халбаакыга бастакы оскуола турбут сиригэр Лаҥхаҕа буолан ааста. "Кындыл көмүс күһүнүгэр" Халбаакы оскуолатын оҕолоро, үлэһиттэрэ, төрөппүттэрэ уонна И.М. Гоголев - Кындыл аатынан Чочу, Герой Н.С.Степанов аатынан Бүлүү орто оскуолаларын үөрэнээччилэрэ, учууталлара кытыннылар. Биһиги оскуолабытыттан бу тэрээһиҥҥэ барыта 17 оҕо уонна 4 учуутал кытынна. Оҕолору үс бөлөҕүнэн "Таптыыр сахам тылынан...", "Күһүҥҥү тыал...", "Саха тыла", учууталлары "Саха ийэ иһитэ" литературнай дьүһүйүүлэринэн кытыннардым. Тута хоһоон айыытыгар кыттаммын 30 кыттааччыттан 2 миэстэни ылан, оскуола оҕоруотун күһүҥҥү бэлэҕинэн, хортуоскалаах хаппыыстанан, мэ ... Читать дальше »

      Атырдьах ыйын 10-13 күннэригэр П.Х.Староватов аатынан кыраайы үөрэтэр музей үлэһиттэрэ уонна музей иһинэн тэриллибит турэкспедиция кыттыылаахтара П.Х.Староватов төрөөбүтэ 145 сылынан уонна Саха сиригэр алмаас көстүбүтэ 70 сылыгар анаан "Староватов сылдьыбыт сирдэринэн" бырайыагынан Сунтаар улууһугар туристическай экспедицияҕа сырыттылар. Экспедицияҕа 7 киһи кытынна. Сунтаар музейдарын сэргии көрдүлэр, матырыйаал хомуйдулар, музей үлэһиттэрин көрсөн санаа атастастылар, инники үлэлэрин былааннаатылар. Бу экспедицияҕа Герой Н.С.Степанов аатынан оскуола краевед-учууталлара О.И.Кычкина уонна М.К.Муксунова кыттыыны ыллылар. Элбэххэ үөрэнэн, саҥаны билэн, Сунтаар дьикти сирдэригэр дуоһуйа сынньанан, айымньылаахтык үлэлииргэ саҥалыы көрүүлэрдээх эргиллэн кэллилэр.  

     От ыйын 24 күнүгэр Монголияттан төннөн иһэр Бүлүү улууһун делегацията Байкал күөлгэ сылдьан дуоһуйа сынньанныбыт. Дьикти кэрэ Байкал кытылыгар хаартыскаҕа түстүбүт. Улан-Удэ устун автобуһунан күүлэйдээн, Бурятия туһунан истиҥ өйдөбүллээх дойдубутугар эргиллэн кэллибит. 

     От ыйын 13 күнүгэр Монголия киин куоратын Улаанбаатар Тэрэлж култуурунай комплексыгар Саха сирин бастакы ыһыаҕа ыытылынна. Ыһыаҕы Үөһээ Бүлүү улууһа тэрийэн ыытта. Бүлүүттэн 22 киһилээх улахан делегация ыһыах арыллыытыгар кытынна. Концертка Бүлүүлэртэн СР култууратын үтүөлээх үлэһиттэрэ Елена, Иван Тулааһынаптар, СР култууратын туйгуннара Матрена Сивцева, Людмила Леонтьева кытыннылар. 

В селе Бердигестях Горного района стартовала XVI республиканская педагогическая ярмарка “Сельская школа &Образовательная марка – 2018». В этом году более 1500 представителей системы образования республики собрались в живописной местности – Парке культуры и отдыха села Бердигестях для того, чтобы обсудить актуальные вопросы образования, представить свои проекты и обменяться опытом. Это и управленцы в сфере образования, работники детских садов, школ, учреждений среднего профессионального образования, ветераны системы образования, родители и общественники и все, кому небезразличны вопросы образования и воспитания подрастающего поколения. На ... Читать дальше »

Ыам ыйын 24 кунугэр улуус урдунэн Тиhэх чуораан чугдаарда.

Ыам ыйын 13 күнүгэр Герой Н.С. Степанов аатынан оскуолаҕа үгэскэ кубулуйбут линейка өрөбүл күн Герой Николай Саввич скверигэр буолла. 

     Кулун тутар 2 күнүгэр Үөһээ Бүлүү Харбалааҕар эдэр учууталларга кэскиллээх эдэр учууталы арыйар, эдэр учууталлар үлэлэрин уопутун тарҕатар, идэлэрин таһымын үрдэтэр сыаллаах "Үрдүк дабаан" диэн күрэх 6-с төгүлүн буолан ааста. Күрэххэ барыта 25 эдэр учуутал 5 бөлөххө арахсан 3 түһүмэххэ кытынна. Бастакы түһүмэххэ 5 учуутал 40 мүнүүтэҕэ аһаҕас уруогу көрдөрдө. Иккис түһүмэххэ 3 учуутал хаалан 15 мүнүүтэҕэ аһаҕас дьарыгы көрдөрдө. Финалга тахсыбыт 6 учуутал педагогическай түгэнтэн сатабыллаахтык тахсарга күрэхтэстэ. Бу күрэххэ биһиги оскуолабыт эдэр учуутала Петрова Акулина Николаевна кытынна уонна үөрэнээччилэр тойон сүбэлэрин түмүгүнэн "Үөрэнээччи билиниитэ" анал аакка тигистэ. Наставнига Муксунова М.К. Үөһээ Бүлүү улууһун үөрэҕин салалтатын Бочуотунай грамотатынан наҕараадаланна. Акулина Николаевнаны ситиһиилээхтик кыттыбытынан эҕэрдэлиибит уонна инникитин учуутал түбүктээх ... Читать дальше »

    Олунньу 26 күнүгэр Культура уонна искусство колледжын выпускнига, үөрэппит оҕом, Иван Васильев "Хохочой" диэн дипломнай үлэтин премьератын көрөөччү дьүүлүгэр таһаарыытыгар ыҥырыылаах ыалдьыт быһыытынан сырыттым. Спектакльга оскуола үөрэнээччилэрин, колледж студеннарын бэлэмнээн кытыннарбыта ситиһиилээхтик түмүктэннэ. Аныгы кэм технологиятынан историческай хаартыскалары туһанан, историческай чахчыларга олоҕуран туруоруллубут спектакль көрөөччүлэр уйулҕаларын хамсатардыы итэҕэтиилээхтик арылынна. Уотунан-күөһүнэн, музыканан киэргэтиитэ да табыллыбыт. Бүлүүтээҕи педколледж студена Василий Николаев Хохочой туһунан хоһооннору ордук долгутуулаахтык толорда. Сүрүн оруолларга оонньообут 9 кылаас үөрэнээччилэрэ Алексей Захаров,Никита Иванов да оруолларын сөптөөхтүк арыйдылар. Түмүккэ Иван Васильев спектакль туруутугар кыттыбыт үөрэнээччилэргэ, студеннарга, оҕолор кылаастарын салайааччыларыгар уонна ... Читать дальше »